وأضافت سلمى أنها تعرضت هى وزوجها وأقاربها للنصب من شركة للتسويق الإلكتروني وأنها حررت محضرا بذلك لاثبات حقها وتنتظر أن يعيد لها القضاء المصري حقوقها وحقوق أقاربها المنهوبة.
وجاء نص ما كتبته سلمى على صفحتها ما يلي:
"أنا سلمى صباحي مصرية زي آلاف المصريين العاديين اللي حلموا بمرتب ثابت بدل ماهم مش لاقيين شغل، وحلموا ببيت ملك بدل الايجار اللي قاطم ضهرهم، وحلموا بمدرسة كويسة لعيالهم يتعلموا فيها بجد، وحلموا بعربية بدل بهدلة المواصلات، وحلموا بعمره ولا حج، وحلموا حتى يشتروا معاش عشان يضمنوا دخل لولادهم بعد مايسيبوهم، يعني ببساطه حلموا بحياه أفضل لكن للأسف اتضحك علينا وفلوسنا راحت في شركة جلوبال أد مارت .. أنا عملت امبارح محضر عشان اثبت حقي وحق زوجي وأقاربنا، وانتظر من القضاء انه يرجعلي ويرجع لكل الناس حقوقها المنهوبة .. وللأسف تم استغلال اسمي وفوجئت على بعض المواقع الاخبارية أن فيه بلاغ متقدم ضدي من واحد بيقول إني اخدت منه فلوس، والحقيقة اني معرفش الرجل ده ولا عمري شفته وهاتخذ كل الإجراءات القانونيه ضده وضد بلاغه الكيدي الكاذب لرد اعتباري.
أي كلام تاني غير الكلام ده هو كذب وافتراء، خصوصا أن في ناس بتحب تصطاد في الميه العكره ونفسها تشوه سمعتي بأي شكل ,, وربنا هو العالم وهو سندي وهو المنتقم".
0 التعليقات:
Post a Comment